fbpx
Mobile games, 主頁, 手機/電腦 — 12/11/2012 at 2:00 pm

免費手機新Game:左右手唔協調咪玩

by

好唔忿氣,但我真係過唔到關,好激心呀。

「Incrediballs」玩到我發脾氣,唔好誤會,呢次絕對唔關個Game事,係我自己問題。講真個Game玩法真係勁簡單,係我自己唔爭氣過唔到關,不過我無Delete個Game呀,因為過唔到關,我唔忿巢。
遊戲背景係太空,你要控制一個有兩隻綠色眼睛o既疑似波波機械人物體闖關。點闖關?首先,上下左右有個框,波波機械人掂到框即死;另外,會有激光、殞石、齒輪、電鑽同尖釘之類機關攻擊你,你要統統避開,直到安全到達終點就為之贏。點解話難玩?因為一,波波機械人受地心吸力影響,會不斷向下沉,你要按左下角個「向上鍵」制止佢下沉,諗住長按?又唔得喎,因為長按「向上鍵」,波波機械人會不斷向上升,一掂到上面框框條線就即死;另外,「左移動鍵」同「右移動鍵」擺o係畫面右下角,即係話,你要用右手一隻手控制波波機械人移左定移右,難在難在呢度,好多時一想移左,左手就不自覺按o左「向上鍵」,越玩就越激氣。唔係吹水,強烈建議左右手唔協調者咪話,費時搵氣激呀。
iPhone下載:https://itunes.apple.com/hk/app/incrediballs/id575218646?l=zh&mt=8&ls=1