fbpx
主頁, 動漫資訊, 潮玩新聞 — 08/11/2012 at 12:00 pm

陳偉霆《有借有還》聽able喎!

by

隨書附送陳偉霆單曲CD一隻,收錄主題曲《紮職》主題曲《有借有還》。

唔討厭,但不嬲都對陳偉霆無乜好感,或者因為唔抵得佢可以溝到咁多女啩,女神Angelababy受佢溝,我最Like嘅阿Sa又受佢溝,硬係覺得佢一味黐女博出位。

今期第681期《火武耀揚》擺明同電影《紮職》賣廣告,啱啱俾KK飛嘅本書第一男主角耀揚都要靠邊站,俾完全唔關事嘅陳偉霆霸咗封面,而內文頭兩頁無咗期期必有嘅「上文提要」,換來「《紮職》誰與爭鋒!十一月十五日星期四隆重公映」十數隻大字,完全有理由相信瑞新收咗電影公司錢!哈哈!未止呀,隨書仲要附送陳偉霆單CD曲一隻,收錄電影主題曲《有借有還》。 擒晚我專登細心聽咗隻歌一次,初頭無乜期待,講真,陳偉霆唱歌係乜料子,大家心中有數啦。聽完,再Repeat聽多次,結論係──估唔到《有借有還》又OK聽able喎,雖然唔似一般江湖歌咁唱到聲嘶力竭,但或者可能因為歌詞填得好,又配合到陳偉霆略略低沉嘅聲線,又真係OK唱得出一股江湖味,十粒星的話,我畀八粒星。

《紮職》海報,今次落埋字,感覺好正。

第681期《火武耀揚》$15