fbpx
Android, 主頁, 周邊產品, 手機/電腦 — 07/11/2012 at 12:59 pm

唔使Back light 手機芒 靠反光慳電

by

 

老老實實, 0依家啲智能手機, 真係食電怪, 上都2,000MAh, 但對唔住, 如果你開3G, 絕對玩唔到一日, 電池已經不能再大, 咁應該點好?

由Sony、Toshiba、Hitachi同日本政府合組嘅Japan Display Inc.啱啱有新公佈, 佢哋將會推出新一代液晶體顯示屏, 大不同處, 係做了一層叫Light Control Layer, 有咗佢之後, 從此就可以飛走背光燈; 佢會依靠現場光, 讓光源透過顯示屏, 進入背部的反光塗層, 再以散射效果, 令屏幕達至好似發光嘅視覺效果, 好處係佢0既顏色會顯得好自然, 望落去好似睇緊e-Book咁舒服, 而且因為佢嘅強勁透光性特質, 所以就算喺強光之下, 都唔會喺屏面做成反光效果, 可以話一物兩用!

講到唔好處, 都唔係無0架! 如果大家睇下面條片, 會發現用書遮住佢, 無外來光源情況會成個芒黑晒, 所以估計Backlight都係要有, 不過會好似開車頭燈咁, 有用先開囉, 所以對減薄機身, 作用都係不太大!

而為咗進一步達致低功耗, 屏幕還加入了一種叫 Memory in Pixels功能, 說穿了, 其實唔係乜嘢新技術, 就係如果睇片時, 呢樣功能會毫無用處, 但對於睇相, 又或者在主介面……總之係靜止嘅畫面, 手機畫面只需存取一次, 佢就會記錄在案, 唔使叫處理器計完又計同一個畫面, 其實好明顯, 所有新功能, 都係同e-Book差唔多, 不過就轉咗做手機彩色芒。

 

http://www.youtube.com/watch?v=mdXu9jmTI2A