主頁, 動漫資訊, 潮玩新聞 — 03/04/2016 at 6:15 pm

瑞新加油 《火紅年代黑骨棠》700期

by

1

唔講唔覺,原來《火紅年代黑骨棠》已經出到700期,喺呢個紙媒步入夕陽嘅年代,一本公仔書可以連載到700期,總算係一個值得鼓舞嘅里程碑。有人話瑞新拖橋又犯駁,打來打去都係嗰幾兜友,又話乜又話物,呢啲嘢我係統統唔理嘅,你話我傻仔都好,我認我係盲撐港漫嗰批死忠,老實講只要睇得明,公仔唔畫得太過份,呢十七蚊我一定畀瑞新賺嘅。瑞新喺今期序言咁寫:「未知的前路是困難的,但路仍要繼續,心仍要熱血!尤其有你!親愛長情的讀者在遙遠的地方看顧我們,愛惜屬於我們香港人的港漫!」無錯,真係希望多啲人識得珍惜「屬於我們香港人的港漫」,瑞新,加油呀。