有片：日本網民教染復活蛋！堅真係唔難！

呢次就堅真係唔難嘞，問題係你有無咁嘅閒情逸志啫，想唔用人工色素自製食得落肚嘅七彩復活蛋，日本網民幫到你。由YouTube頻道「便利ライフハック【venlee lifehack】」提供嘅呢條短片簡單易學，原來只要用椰菜頭烚一煲水，呢煲水就係最佳染色素，本身呈藍藍哋色。想溝顏色咩？Easy！加檸檬汁即變紫紅色、加蛋白即變綠色、加蘋果汁即變深紫色，顏色深淺可以自己調校。另外，用咖喱粉開水、開稀豉油，一樣可以替烚熟咗嘅雞蛋染色，畀啲耐性，浸至少一粒鐘就得嘞。