fbpx
主頁, 動漫資訊, 潮玩新聞 — 04/11/2012 at 2:00 pm

馬Sir黑鬼德開咪!

by

馬Sir畫公仔叻,原來開咪做主持都一樣掂,呢次唔係去啲乜乜新資訊物物多媒體之類人問一句佢答一句嘅文化講座齋坐,而係實實在在做嘉賓主持,要Hold節目,大談現今港漫之道。

講嘅係網上電台Ragazine節目《漫筆經心》,第一集主持有黑鬼德、釋武尊同Dick,嘉賓有李中興同馬榮成,內容圍繞講李中興點樣入行、點解要搞《街頭霸王》、點樣同許景琛闖天下建立「天行社」、點樣成功喺一年內賺二三百萬,到後來點樣極速失敗執笠收場。大家都知家陣李中興仲有幾人氣急升架啦,佢依家編緊《石黑龍傳》,喺網上討論區俾人鬧到狗血淋頭,大家想知佢點解畫的話,要聽嘞。第二集仲好聽,主持有黑鬼德、釋武尊,馬榮成呢次直接做主持,大談七十後同九十後港漫發展,久唔久仲會講吓爛Gag,係馬Sir粉絲千其唔好放過。

網址:http://www.ragazine.com.hk