fbpx
主頁, 動漫資訊, 潮玩新聞 — 04/11/2012 at 12:00 pm

呢啲先係Halloween嘛!

by

無計,兩大座包山實在太高聳,血侷住向中間流。

講到啱啱過咗嘅Halloween,香港始終係中國人地方,對於香港人,萬聖節只係個消費大於一切嘅所謂節日,唔係唔玩,但大部份人都玩得唔夠投入,食個餐劈餐酒叫做應應節,多個藉口蒲天光咁解囉。

真架,香港人始終無鬼佬鬼妹玩得咁癲喪放,男嘅,頂盡扮吓吸血殭屍或骷髏骨頭,再唔係就笠個面具嗌兩聲敷衍了事;女嘅,唔係扮巫婆就係扮蜘蛛精,鬼就鬼呀,鬼火咁靚個鬼吖嘛,根本就一啲都唔恐怖。有新聞報導仲夠膽死話今年蘭桂坊啲萬聖節裝飾好恐怖,嚇到途人提心吊膽云云,我呸!慳啲啦,睇吓下面啲相啦唔該,人哋呢啲就真係Halloween嘞,要性感有性感,要核突有核突,化妝化到成身血,一條二條喪屍咁行埋身,半夜三更見到佢哋,你都咪話唔驚。

資料來源:http://www.flickr.com/photos/costagavras/sets/72157631869785933/

已經搞唔清係Cosplay定Halloween,呢個蝙蝠俠俾人打到好傷。

又係一身血,加埋個疑似Take嘢表情,都幾恐怖吓。

小朋友都玩得好激,喺香港俾老人家見到,肯定話唔吉利,啋啋聲不絕於耳。

呢個堅呀,成隻喪屍咁,真係可以幫手拍《Z-108棄城》。

呢條女似剛剛食完人肉,滿嘴鮮血。

呢條仔有創意呀,整條拉鏈上面,佩服!

留意,查實呢條女係合埋眼嘅,好搞鬼。

我封呢條女係恐怖之罪,條頸真係好似俾人劈甩咗咁。