fbpx
iPhone, 主頁, 手機/電腦 — 31/10/2012 at 12:00 pm

氧氣罩 iPhone唱K滅聲器

by

 

我一嬲都唔鍾意黃子華,亦唔鍾意睇男歌女唱、亦唔鍾意由李龍同李基組成嘅二人組合,不過佢哋教曉我一樣嘢,唔識唱K、又或者唔蒲Lunch K,會變成透明人!好!如果你都有咁嘅心,就要喺屋企先練習,如果你已經有俾隔籬屋投訴嘅覺悟,以下呢件MUMICIP將會幫到你!

睇樣!唔好以為阿四眼姐唱到斷氣所以要吸氧氣,其實佢係一個靜音iPhone / iPad私家咪,我可以好肯定話你知,喺K場一定禁用、因為完全唔啱規舉;佢喺使用方法,就係先將之咪連上手機3.5mm插口,之後再將你支咪套入個「氧氣罩形」消音器內,跟手你就可以Cup住你張C嘴,再放大喉朧唱絕對空虛,以細路觀察,消音器內仲有層好似魚缸瀘水用嘅一層厚海綿,據稱加埋佢,就算隔籬房嘅阿爸阿媽都唔會知你咁重口味!不過我覺得佢最正係將咪同耳筒做咗個分插,所以你仲可以用耳機聽返混合音樂後、自己唱得啱唔啱Beat;不過溫馨提示,就算買咗,我都見議大家戴一邊耳仔好喇,你話一個唔覺意,細路細妹半夜撞入你房,見你半夜三更吸純氧,你話點解韱先,都係留返一邊耳仔聽吓附近風吹草動穩陣!

機價3,980日圓,12月正式見街,絕對係送禮自用,最佳聖誕禮物,有興趣Click入下面條Link!

 

 

http://www.jtt.ne.jp/shop/product/mute_mic_iphone/index.html