PS Vita, PS3, Xbox360, 主頁, 專題熱話, 遊戲新聞 — 30/10/2012 at 10:52 pm

有相有片 《刺客教條3》Jessica C.最強連動李彩華

by

嗱,隻遊戲噚日就偷跑咗啦,開機片我哋都拍埋喇,你同我講今日(30日)搞個試玩活動?我當堂嚇一跳!但係!我嚟到灣仔呢間餐廳,即係SCEH搞呢個「性感殺機」嘅活動場地,個心即刻離一離!嘩!有中文版《刺客教條3》試玩喎!仲有《Call of Duty:Black Ops 2》嘅同梱主機亮相喎!嘩嘩!仲有唔俾影相嘅《Hitman Absolution》同冇得試玩嘅《Sleeping Dogs》殭屍DLC添……唉!咁冇計啦,我唯有影Cos刺客嘅Jessica C.同李彩華啦!影完相都冇乜嘢做,好啦,唯有拍埋兩個靚女嘅試玩片啦。

留意,網頁大電視右下方個電視機仔,噚晚已經放咗兩條PS3/PS Vita嘅《刺客教條3》開機影片,只不過o依家換咗Jessica C同李彩華啫,仲睇得番o架。咁,我今日嘅焦點就迫於無奈放喺Jessica C.同李彩華身上喇。咁又由於JC件衫真係太迫,李彩華又有露兩手打機嘅關係,我決定呢篇報導完全唔揀相,兼且冇內容,等大家可以專心睇相,同睇片。Jessica C.同李彩華仲喺片段都分別試玩遊戲同講咗佢哋嘅感想出嚟,我有同Jessica C.講我哋嘅讀者大多數都係香港人,叫佢盡量講中文,但係佢聽唔明,所以最後都係講咗英文,又幾好聽。

最後,原諒我亂寫一輪,因為我心情仲未平伏到。同時多謝大家仲有心情睇字睇到呢度,但你當我黐線o架咩,去試玩會剩係影靚女?寫稿又呃字數?刀下留人,現場嘅同梱版主機呀,耳筒呀盛呀,會有另一篇報導。睇完同我正正經經去打機!

 

玩射靶喎,嘻嘻!

 

運氣真係話嚟就嚟。

 

你睇佢幾囂張!

 

最強連動!