Andriod, Tablet, 主頁, 手機新聞, 電腦新聞 — 30/10/2012 at 11:30 am

Nexus 4 11月13號開賣

by

 

雖然Sandy係好惡!喺搞到Google開唔成記招,不過佢哋都係忍唔住搶飲頭啖湯嘅誘惑,喺佢哋Official Blog搶先發佈咗Nexus 4/7/10三部機詳細資料,硬件固然搶眼,不過佢個新Android 4.2配合Photo Sphere玩360度全景相,真係好突破,用相樣上下左右喺咁掃,影到靚先收手,我覺得係強過晒現時所有相機、手機嘅一掃即拍模式,不過對手機處理能力要求應該幾高,相玩舊機升級玩佢?我諗Noway!

 

Nexus 4一如網上所吹,由LG代工、行4.7”(320ppi)靚芒,行四核處理器,而且仲玩埋無線叉電系統,放上叉電板就叉電,同日本好多手機看齊,相信呢個有機會成為未來Android機必玩,係我就開心死喇!至於以後嗰啲甚麼叉電線、叉電座、賣電話配件嘅舖頭,真係小晒口!

另外睇片,佢仲有一個叫 Gesture Typing系統,簡單講係只要你喺個Keyboard位度游走,佢就會估你想打甚麼字,不過老老實實!係英文嚟囉!我諗對大家打港式英文,應該無乜幫助,LEE WA HIGH MAI?

另一個最大亮點,係佢個影相功能──Photo Sphere,佢唔係抄人哋一掃即拍咁流灘,如果要我做文字講解,就係先定一個中心點,然後你就再相機鏡頭不斷上下左右喺咁掃,無錯!開始時係見到好多接片位唔多對,不過你可以重覆喺咁掃,直至完美為止!Cheers!以我理解佢係全景相補完計劃,而且你所拍嘅相仲可以Load上Google Maps度同人開心Share,邊個會咁做?我覺得好多公司同舖頭都好樂意Update囉,如果舖頭老闆發現Google Maps張相唔Update,又見唔到佢個舖頭名!

 

 

至於售價方面,暫公佈8GB/$299美金、16GB/$349美金,首批會喺11月13號喺美國、英國、澳洲、法國、德國、西班牙、加拿大等地嘅Google Play Store發售;另外T-Mobile 16GB版會平啲,$199兩年合約。