fbpx
主頁, 偶像資訊, 動漫資訊, 潮玩新聞 — 30/10/2012 at 9:24 am

MegaBox開小忌廉餐廳 高田明美將親來剪綵

by

 

星空裏萬物在轉,歷億萬年,星飛過願望實現,力量像一個神仙……相信一眾老動漫迷,都應該知我唱緊《我係小忌廉》!估唔到喺香港,都會有一日推出首間打正名號、以crossover主題為概念嘅餐廳──日和号(Nippon Sushi Dining)!而且開幕日,仲會請嚟原作者高田明美小剪綵同即場繪畫漫畫手稿,OMG!雖然我係IT記者,當日我一定假扮食版記者入現睇!

日版

http://www.youtube.com/watch?v=Ftpvf4EXJRc

 

港版

http://www.youtube.com/watch?v=Z6Gfis8JSE4

 

餐廳裝修會仿照日本JR車卡,餐廳內設有一個小型舞台可供演出和展覽之用。另有電視和音響設備,可供播放影像和舉辦小型音樂會之用。

餐廳食物是最正宗的日式口味,除了一系列壽司、拉麵、烏冬、燒串及和食以外,更有不少自家創作料理及期間限定的crossover系列,結合時下流行話題,將餐飲塑造成潮流及與別不同的餐飲體驗。每一季設有不同的主題和特色,包括電影、音樂、動畫、漫畫、藝人等主題,每次維期四至十二個星期不等,每次均有不同的佈置、食品、紀念品。

暫時知到食品內容唔多,而且待應衣着亦係我嘅關注點,究竟係變身前嘅小桃嘅短裙配Oversize拉鍊衞衣,定係變身後嘅One-piece嘅泳衣,將會對大家嘅視覺效果影響好大,更重要係有無暗黑版、從鏡中出嚟嘅小忌廉……或者我真係想多咗!

據知凡到惠顧更可換購獨家小忌廉紀念品,例如貼紙,心口針,環保袋,folder等等,全部是全新設計,對於我哋呢類老小忌廉的Fans,實在真係太耐無新產品喇,絕對係死穴級想擁有!

不過我覺得餐廳主理人係真有Heart的,係佢竟然有小忌廉泡沫咖啡同小忌廉特製班戟,因為呢兩樣菜式係真貼近原著內容,我真係有駿興上身一樣期待!

 

日和号 x 小忌廉JR

全新畫風之小忌廉

小忌廉巨峰提子梳打

小忌廉甜甜卷及小忌廉朱古力

小忌廉環保袋

小忌廉folder