fbpx
Mobile games, 主頁, 手機/電腦 — 31/10/2012 at 2:00 pm

免費手機新Game:跳躍等於生命

by

 

四隻腳奀挑鬼命,跳躍就係呢個Box嘅生命。

 

擒晚落吧劈酒,正劈到七八分醉,忽然有豬朋狗友甲拎出部手機話:「唔好猜骰盅,玩呢個Game,邊個最低分邊個飲兩杯,夠唔夠薑?」席間五人個個要威,紛紛接戰。

結果?後悔囉,拜「Jump Box Free」所賜,我十五分鐘內飲咗三支Bud仔。你話好好玩咩?未算,但呢類純考反應嘅Game一向受歡迎,無他,簡單易玩唔使點用腦,醉醺醺玩尤其爆笑。作為玩家嘅你,要傾斜手機左或右控制個Box跳左或跳右,每次上跳,你都要諗定下一塊踏板做落腳點,而踏板有固定同左右移動之分,板與板之間距離有長短,有時跳固定踏步有著數,有時卻要校啱落點,借移動踏步之助先可以繼續向上跳。記住,一失足成千古恨,跳歪咗一Miss踏板即刻跌死,而嗰晚,個Box死咗N次,我都飲到死,打烊出門口,我行唔到直線。

iPhone下載:https://itunes.apple.com/hk/app/jump-box-free-best-fun-doodle/id547831644?l=zh&mt=8&ls=1

設計用色同字款都好Old school,不過我Like。