主頁, 手機新聞, 手機遊戲 — 30/10/2012 at 2:00 pm

免費手機新Game:射呀射射它吧!

by

下面又球類選擇列,搵啱波先可發射呀。

睇完曼聯三比二殺車路士,我不無感慨,點解,點解我唔係尹佩斯?早知踢波可以踢到有過億身家,我就早早走去做波牛好過啦,跑兩跑出身汗放吓飛劍就有幾十萬磅周薪,呢啲咪人生囉。

唔發白日夢,自知呢世無機會靠踢波搵食,都係專心打機好過。「Street Gol Lite」超好玩,先自選球員,Giovani、Grant、Junior、Kenji同Paul五選一,然後選球類,小足球、大足球、籃球、欖球、保齡球同炸彈六選一,再之後研究最佳力度同角度,務求喺指定次數裡面將個皮射入橙色框框就為之贏。梗唔會畀你直接射框咁Easy啦,每一關都有雪糕筒、鐵箱、垃圾桶、木板同石油氣罐等等唔同障礙物,你要善用球類特性過關,例如要射走大型垃圾桶,就應該用最具殺傷力嘅保齡球,又例如要跨過雪糕筒,就應該用最輕身嘅小足球,調校啱拋物線一腳笠入框框。總括而這呢個Game都幾有趣,又係過唔到關唔忿氣、玩到唔停手嗰類Game。

iPhone下載:https://itunes.apple.com/hk/app/street-gol-lite/id570150789?l=zh&mt=8&ls=1

又木板又鋼條又雪糕筒阻住晒,諗計點樣開條路射框啦。

角色五選一,面相顏色造型好唔錯。