主頁, 其他, 相機新聞 — 28/10/2012 at 12:54 pm

超輕AirTracks 氣墊路軌玩拍片

by

 

睇見到呢件AirTracks,我真係好感動!走軌拍Track Shot係0依家好多人用D-SLR拍片重要課題,鴨記係有走路軌車仔賣,不過同大家用D機拍片原意,真係背道而馳,想輕、又想有Flim機感覺,呢件嘢完全解決晒問題。

簡單講,佢一樣係行轆設計,不過路軌就由原本嘅「重金屬」,轉為用吹氣墊設計;當然,氣墊嘅堅實情度,會直接影響到走Track時嘅穩定性,所以佢除咗有一般嘅吹氣口,當你閂咗個口時,佢仲有一個加壓Pump,幫你整實啲佢。

據稱,呢個AirTracks嘅承重量可以有8磅,設計者表示,現時市面一般D-SLR都係3磅左近,所以使用上絕無問題!

不過我覺得,都唔係完全無缺點,因為個墊只係頂得住8磅,所以大家可見個波頭並無升得太高,加重負載!而且條Track相對較窄身,所以部機亦唔可升得太高,驚佢唔夠穩定,不過用有限器材拍最好相片,一直都係大家努力研究嘅課題;你問我的話,DIY都唔太難!我指架車仔!反而張吹氣墊市面真係好難搵,超深坑、仲要有成5呎長!不過話時話,返國內特別訂一張,同你現成買條金屬路軌,應該都差唔多啫!

 

轆頭以兩個作一組, 呈V內形設計, 留意氣墊外軌兩邊特別粗碌, 用嚟走轆會加強穩定性!

 

睇佢個吹氣口, 類似用了爬山用氣墊的單向吹氣設計, 即係就算離嘴都唔會漏氣, 而個黑色PUMP仔, 仲可以在吹後加壓; 再留意個墊嘅用料, 亦係爬山用品常見嘅交差織布紋, 如果用佢, 我覺得唔使買後備墊囉!

 

用吹氣墊仲有一個好處, 就係去山郊野嶺, 仲有防水墊功效, 放相機又得, 自己瞓亦可, 係咪FIT先!?