$1,230開訂 Hot Toys《生化危機》遊戲版Ada Wong

有玩《Biohazard 6》嘅，都應該幾冧Ada Wong，無他，長腿、性感有女人味嘛。今集佢條緊身長褲雖然好緊身，不過始終都唔及第四集條高叉旗袍經典同誘人，可能Hoy Toys都知(定冇第6集版權？)，所以啱啱發放官圖呢隻1/6 Ada Wong就係第4集造型！配件唔少，有太陽眼鏡、機關槍、弩、針筒喼、電話連套等，手踭、膝頭關節包膠，要彈就彈佢腳踭關節比較肉酸，同埋冇多個李冰冰頭……今日開訂，放低$500，下年第二季出貨，不過我唔信。