fbpx
主頁, 動漫資訊, 潮玩新聞 — 19/10/2012 at 1:40 pm

《九龍城寨2》一周年,出紀念郵票!

by

九龍城寨紀念郵票$120

唔經唔覺《九龍城寨2》已經出版到第52期,52期,即係52個禮拜,亦即係推出咗整整一年。一年,以家陣嘅市道,可以捱到一年嘅港漫有幾多?大家心照,所以真係好值得慶祝,亦戥司徒劍橋高興。

慶祝一周年紀念,出師有名,可以打正旗號賺多讀者一筆,今次《九龍城寨》好有點子,推出「九龍城寨紀念郵票」,一版十二組郵票,每組郵票由一個本地平郵郵票同城寨人物郵票組成,真係可以用黎寄信架,如果你捨得寄的話。咁又有邊幾個城寨人物呢?今期《九龍城寨2》經已曝光,都係離唔開陳洛軍、信一、吉祥、大老闆、龍捲風、祖等等主角,每版郵票$120。係唔係限量就未知,但肯定不作公開發售,想買,唔該填妥訂購表格寄番畀一漫年出版有限公司,截止訂購日期係11月1號,都係嗰句,要買趁手。

《九龍城寨2》第52期$15