主頁, 動漫資訊, 潮玩新聞, 玩具資訊 — 18/10/2012 at 10:06 pm

Bandai x 任天堂《JoJo奇妙冒險》紙牌遊戲登場唔玩都儲

首先，呢套紙牌係日本傳統紙牌遊戲花札專用，鬥唔到地主嘅。呢套名為《ジョジョの奇妙な花闘～黄金の札～》花札套裝，先講個收藏盒已經夠型，係《JoJo奇妙冒險》第五部「黃金之風」隻烏龜，有睇原著都知呢隻龜幾咁關鍵，咁裏頭就有以第五部為主題嘅49張紙牌，啲紙牌畫得好有日本風，真係唔識玩都想買嚟儲！售價7,875日元，下年3月出貨。話時話，不如出第三部啤牌版啦，可以鬥地主，我用白金之星炸你呀，啊啦啊啦啊啦啊啦啊啦！我用世界嚟個時間停頓春天你呀，無駄無駄無駄無駄無駄！