主頁, 動漫資訊, 潮玩新聞 — 25/09/2015 at 1:30 pm

復刻《龍虎門》創刊 $17抵睇到爛

by

1

大鑼大鼓,復刻《龍虎門》終於創刊,橫度封面大大個王小虎擔頭,Nike眉大眼睛、玉郎大帝式肌肉紋理加獨特衫花,拎上手我即時諗:「係嘞,就係呢個Feel嘞。」右上角「龍虎門」三字字體、大圓「99」期數標誌、玉郎商標同「全部七彩每冊港幣十七元正」等字眼,對我等死忠《龍虎門》迷嚟講,真係好有親切感。揭開睇內文,閱讀方向係怪怪哋嘅,初頭睇係有啲唔順手,不過睇多兩三頁就自自然慣。呢本書好抵睇呀,唔怕你話我市井,我興邊爆石邊煲煙邊嘆公仔書,足足半粒鐘先行番出洗手間,久違了的睇公仔書一級享受,復刻《龍虎門》畀到我。要挑剔嘅地方都唔係無,「前文提要」一頁,字體印得異常「萌」,近乎睇唔到嗰隻,希望「創造館」阿頭余兒多加留意,另外,Cut咗昔日專欄睇唔番,有啲可惜。總括嚟講,$17實在抵睇到爛,屬十粒星推介、下期必追買之作。