fbpx
主頁, 動漫資訊, 潮玩新聞 — 12/10/2012 at 12:00 pm

完全版《群俠傳》卷十九,柳五改邪歸正無厘頭!

by

完全版《群俠傳》卷十九,$48

今期完全版《群俠傳》卷十九用追命做封面,今期內容彈多過讚。之前由卷一至卷十八,故事脈絡同橋段情節都無邂可擊,但今期就真係……唉,媽媽自小教我不要說謊,做人都係講真心話好,好要讚,唔好要彈……今期柳五改邪歸正一節真係嚴重地不合情理!想激起李沉舟鬥心有好多方法,使唔使親手隊自己結拜好兄弟一刀?隊完都算,但又點解要聽白愁飛支笛殲滅六分半堂呢?柳五所謂o既解釋根本就無厘頭,司徒劍橋仲夠膽死透過鄧玉平、兆秋息同屈寒山三王把口話:「我們都給弄得一頭霧水,實話實說──真的很難相信你。」自嘲乎?
劇情Keep住緊湊,講到連雲寨俾沈虎禪帶兵攻打,成個格屎俾人炒起,二三四五六寨主悉數敗陣,死的死,傷的傷,最慘係暗戀九現神龍戚少商o既小苦女,頭搭尾做唔夠十頁戲,就俾任勞任怨兩個變態殺手KO,一刀穿心喊住死。呢幕好有張力,埋下戚少商因心亂而敗陣o既伏線,末段白愁飛同戚少商正式反面,白愁飛用小苦女死訊擾亂戚少商心神,後者一個不留神,中o左招驚神指大寒,自知寒氣入體必死,侷住壯士斷臂,今勻連九現神龍也低首,成個黑道江湖,似乎已成白愁飛囊中物。