主頁, 動漫資訊, 潮玩新聞 — 31/07/2015 at 10:00 am

Fans熱話 《古惑仔》邊個大佬會翻生?

by

4444

芸芸港漫公司,和平算同讀者最多互動,開個面書專頁,有問有答有水吹,吸唔吸納到新讀係一回事,但絕對維繫到死忠《古惑仔》Fans,咁當然Including me啦。牛佬最新搞作,有「驚天重生大行動競猜遊戲」,十二個候選大佬包括車寶山、立花正仁、太子、太乙、灰狗、山下忠秀、耀揚、大天二、伊健、地中海、o靚坤同山雞,叫讀者來信競猜究竟邊兩位大佬可以翻生,得獎者可以得親筆畫板一大張。就面書專頁所見,讀者們議論紛紛,有人唔贊成翻生之舉,有人強烈要求車寶山同伊健重出江湖,仲諗埋橋畀牛佬點樣自圓其說添。如果問我的話,我會揀山雞同耀揚,好希望山雞同南哥做番Friend、耀揚可以改邪歸正。