fbpx
主頁, 動漫資訊, 潮玩新聞 — 05/10/2012 at 12:00 pm

重拍《古惑仔》,大隻謙演南哥!

by

大隻謙演南哥,夠照有餘啦。

Wow,真係多麼令人振奮的消息,上周已經有風吹話王晶為力撐香港本土市場,決定重拍《古惑仔》,而牛佬喺今期1545期《古惑仔》嘅〈牛佬信箱〉裡面亦落實真有其事。

王晶透露話新版《古惑仔》會拍到超級血腥,唔爛肚見腸唔標血爆腦漿唔收貨,兼有大量露骨性愛鏡頭,真係開心死我呢個《古惑仔》天字第一號Fans。開心完,即睇選角,鄭伊健雖然有型,但歲月催人老,有型中佬今勻只可以做觀眾,王晶搵新一代肌肉型男羅仲謙飾演陳浩南,個人感覺非常妥晒,佢六舊腹肌固然有型,五官輪廓亦好有江湖味;至於山雞一角,則由好戲之人梁唯烈主演,呢次直頭超妥添,至少佢靚仔過舊版山雞陳小春多多聲先啦。細細粒呢?選角未定,不過身材超惹火嘅性感內地女星胡然,肯定會大脫特脫,我真係好鬼死期待呀。

伊健引退,好彩陳浩南一角後繼有人。

 

胡然好身材,究竟佢做乜角色呢?

胡然,唔識,不過幾靚女,有兩分似2R嘅Race。