fbpx
Android, iPhone, 主頁, 周邊產品, 手機/電腦 — 04/10/2012 at 10:07 am

手機自動開門 捉蟲入海鮮!

by

 

唔記得帶鎖匙、屋企又無人,係最痛苦嘅極刑!門口呆等、打電話叫人返嚟開門、等咗成粒鐘、先要俾人屌一棍才得其門而入、再聽寢邊人講佢幾唔得閒咁趕返嚟……呢樣嘢仲涉及到黑魔法,通常都會一個禮拜中兩次!不過Lockitron嚟緊會推出一個叫keyless entry system,有咗佢只要一部手機就可以開門,點解唔早啲出現呢?

keyless entry system基本可以對應晒iOS及Android手機,只要你喺門鎖位裝咗呢個箱仔,你就可以用App、通過手機Wi-Fi,在近距離作「遙控開門」!

另外佢仲有一個相當屎忽功能,就係如果你唔喺屋企時,假如有人敲你門,佢會經Internet發送信息過你(估計要屋企內長開Wi-Fi),話你知有人搵你,雖然佢唔識話你知佢係邊個!假如你覺得佢信得過,又或者預先知到佢係老竇老母,甚至老婆無帶鎖匙搵你求救,你亦可以經Internet發送「超遙距」開門指令!假如你係使用舊式手機(非智能手機,如舊款Nokia 8250),亦可透過SMS遙控開門。

再假如你係用iPhone 4S或5仔!咁就啱喇,佢有一個好好玩但唔實際嘅功能,就係只要你部手機開啟了藍芽,只要你在10米範圍內佢就會自動開鎖!聽落好似好聰明係咪,不過我可以大膽話你知,長開藍芽你部手機固然成日唔夠電,而且你入到屋之後又唔記得閂的話,就會變成今夜不設防,第二朝俾人發現係你唔記得閂門,你就知道乜嘢叫捉蟲入XX!

好!講返啲實際嘢,機價149美金、出年三月派街,依家有得網上預訂,唔怕死嘅你就買啦!

 

httpvh://www.youtube.com/watch?v=NKCRgftQNVs

訂購網站 https://lockitron.com/preorder