fbpx
主頁, 影音新聞, 電影 — 03/10/2012 at 5:13 pm

得利十月殺人事件 普羅米修斯、未來戰士、智能叛變……

by

 

呢個月買碟真係多多錢都唔夠,星期四出普羅米修斯連異形4部曲Boxset!得利好似仲嫌我哋唔夠窮,11號出再嚟係未來戰士!未來戰士呀!你知唔知打極唔死嘅機械人由邊度發源?你知唔知阿諾唔試講對白架?佢成套得個幾句對白,令到套戲Up Grade咗幾多呀!

18號第三個禮拜就近期啲,吸血鬼獵人林肯畫面應該唔錯,故事就見人見智;不過智能叛變就必買!絕對係韋史密夫響朵作!更重要係兩隻都係3D版,再加首批限量送幻變咭,你有無儲咭習慣吖?你有冇每晚同個仔拍過一次卡通咭先瞓覺嘅習慣吖?無!咁我建議你掟返張咭俾得利,叫佢下次諗過啲實際嘢!

25號Week4係重頭戲,阿凡達3D+DVD套裝,佢話明係3D試機碟!老實!故事真係九流,聲畫的確係正!都係無得唔買嘅碟!