fbpx
PS3, 主頁, 遊戲新聞 — 03/10/2012 at 4:50 pm

《人中之龍5》夜總會多嘢玩 食朱古力棒棒

by

由SEGA開發、喺12月6日推出嘅PS3黑道冒險動作遊戲《人中之龍5 夢、叶えし者》又有新料發佈。雖則話呢隻係動作遊戲,但當中嘅夜總會情節亦都可以話係主打,你睇TGS佢個攤位佈置到成個酒吧咁就知啦!雖然我唔明點解去呢啲煙花之地都要好似追女仔咁討好啲靚女,但係,又確實係幾好玩,而今集呢方面嘅玩法仲經過強化!我要初戀呀!初戀呀!

首先,今次去夜總會唔係齋聽,憑對答可以增加互動性同好感度,從靚女嘅面部表情就可以知道佢冧唔冧你,仲有主觀視點加強真實感添,嘩咁近望住人,我臉紅了。而隨住好感度上昇,點唔同嘅飲品小食都有唔同效果,例如點朱古力棒棒就可以一齊食,係一齊食一支!一人一邊呀!另外亦當然可以叫酒飲,貴酒冧女梗係事半功倍,仲有得叫扭蛋機嚟玩,隨時得到罕有道具……去夜總會扭蛋?扭咩蛋呀?扭邊個隻蛋呀?

好喇,攞手袋啦,邀約靚女出街,如果佢應承,就可以好似約會咁去唔同地方玩,可以去食飯買嘢,仲可以去遊戲場所,簡單啲講,即係黑道中人冇乜時間識正常女仔,唯有去夜總會搵靚女,尋找戀愛嘅感覺。

官方網站
http://ryu-ga-gotoku.com/five/