fbpx
iPhone, Tablet, 主頁, 手機/電腦, 電腦新聞 — 03/10/2012 at 4:23 pm

ukrainianiphone.com 漏出iPad mini全相

by

 

漏風,好似係成為新機發佈策略,仲記得以前有話告,又話拉人封艇,依家屁都唔放個!今次iPad mini漏嘢相當全面,資料來源係ukrainianiphone.com,由機背、芒、面冚,真係要乜有乜,就暫時睇,佢都係用nano-SIM配Lightning新接頭,而且有3G天線位,機背殼物料,同iPhone 5據稱是一樣的,唔知會唔會一樣好易花呢?至於個芒唔知係咪Retina,不過漏嘢網度過,有成7.85″!

不過小弟仲發現一點,就係喺個底殼裏面,我好似見到個中文簡體字──「價」!簡體字同烏克蘭人有乜嘢關係,係咪通過「通婚加強外交」,就算問中史阿Sir都答你唔到,我總覺得成件事有啲鬼囉!

 

 

另外,在日本舉行中嘅CEATEC JAPAN 2012都有風吹出嚟,就係一個iPad mini機套,機套代理仲好坦白話佢係iPad mini機套!需知一啲攞正牌做Apple產品配件的生產商,係可以預先攞假機做配件架!所以佢嘅坦白,係好大嘅證明!

就相片睇,同漏出零件相好似都幾配合,所以兩者互相證明,10月17號發佈iPad mini,都真係相當實牙實齒喇!

配件商漏料會有乜後果,係Apple會告佢兼配件生產名份除牌,不過又老老實實,佢個機套仲厚過我面皮,我覺得唔告佢都死得囉!一個臨死嘅人同你所講嘅嘢,你無理由唔信呀!?

 

資料來源:http://ukrainianiphone.com/