fbpx
主頁, 動漫資訊, 潮玩新聞 — 03/10/2012 at 10:00 am

藍蟹Perfect Taste火鍋專用豆腐

by

 

我講你聽!我呢生人最憎就係打邊爐!你試過大熱天、晚晚出街食飯都要打老邊未?Gameover幾位老總就係咁自私又唔理員工死活嘅一個機構,好彩呢排天口涼,都無咁慘;不過如果有咗呢隻「火鍋專用」藍魔蟹,我諗會打得開心啲!

MSM-07 Z’GOK TOFU,係日本相模屋最新出品,今日開始賣街!簡單講佢就係一嚿打老邊專用豆腐,睇落鍋試相,如果係用日式薄底鍋,個動作就好似喺查布羅浮出水面一樣,我諗我開動時,會大叫一聲「依支嗎屎」!更精美係佢隻叉,頂你個肺,叉尾係魔蟹爪,叉頭係真叉……屌!兩邊都應該係魔蟹爪嘛!有無腦架!叉唔到我會用筷子食嘛!呢件好明顯係一件神兵級收藏品,你唔係諗住我真係會用呀?又或者可以畀1/144 HG藍蟹做武器都可以吖!

另外試菜方面,相模屋都好搞嘢!先係幫隻豆腐魔蟹配返對真蟹鉗,我覺得Match到不得了,再望吓側邊用冬菇做嘅龜霸,整體感覺係正過RG囉!講到情景組冠軍,一定係佢個素菜鍋,用蘿白青瓜做蟹爪,蘿白絲扮頭頂飛出嘅導彈,搞到我都想喺下次電擊大賽時砌返隻白魔蟹;個地獄火鍋就有啲屌喇!老老實實,真係乜蟹都見唔到,你叫我點扯旗先?

httpvh://www.youtube.com/watch?v=0mszCM4B9ZQ&feature=related

 

 

特別限定MS-06 ZAKU TOFU TYPE D

另外!提提大家,去開日本記得買隻MS-06 ZAKU TOFU TYPE D,佢係期間限定特別版!限時幾耐我唔知,但呢隻渣古係豆腐花──即係甜品嚟架!一打開就啪得!不過新聞發怖會都幫佢砌咗個情景,話佢係砂漠用型!我唔知嗰堆沙係乜?不過畀我搞,都會用大量黃糖碎嚟搞佢,自護公國萬歲!