主頁, 動漫資訊, 潮玩新聞 — 20/06/2015 at 2:30 pm

牛佬創新猷 內文格仔喪插盜版

by

Image-1-1

每個禮拜要起兩期書,個腦幾叻都會靈感枯竭,所以我係真心Mode佩服牛佬嘅,久唔久就整啲新花款,留住讀者心之餘,仲成功引起話題。今期第1827期《古惑仔》牛姑重出江湖固然係重點,但都唔夠喺內文格仔裡面標字托底咁養眼──「內地網站刊登之《古惑仔》全屬未經授權之盜版上載」、「上載盜版損人利己,創作行業快將滅亡」、「全國盜版閪網大追查:動漫屋、在綫漫畫、極速漫畫」啱架,睇盜版漫畫實屬賊仔所為,應該予以強烈譴責,呢鋪我撐牛佬架。另外,今期亦登咗幾頁「千人對決」精彩片段,亦惹嚟「古惑仔俱樂部」會員熱烈討論,鬼咩,睇個勢好似想摺埋徐世飛咁,九尾狐又疑似死喺佐敦仔懷內。講真,呢兩個角色我都好Like,牛佬手下留情,唔好整死佢哋呀。

P.8,牛佬用灰底白字讉責盜版。

P.8,牛佬用灰底白字讉責盜版。

 

P.9,雖然有礙畫面,但咁樣登譴責字句先夠顯眼。

P.9,雖然有礙畫面,但咁樣登譴責字句先夠顯眼。

P.29,開埋網名,齊齊抵制佢喇。

P.29,開埋網名,齊齊抵制佢喇。

 

徐世飛真係釘蓋?唔好嘞啩?話晒剛剛先煲起洪興新一代,咁快就少減件?

徐世飛真係釘蓋?唔好嘞啩?話晒剛剛先煲起洪興新一代,咁快就少減件?

 

九尾狐睇個勢都係走唔甩,唉,又少一個女角。

九尾狐睇個勢都係走唔甩,唉,又少一個女角。