主頁, 動漫資訊, 潮玩新聞 — 15/06/2015 at 2:30 pm

鄺彬強「淡出」 《自強不息》推出無期

by

Image-1-2

收到鄺彬強「淡出」港漫嘅消息,個心真係戚咗一戚,司徒劍僑無咗影,家陣又到鄺彬強離開,咁係咪意味住大渡散Band呢?迄今大渡出過咁多本漫畫,我始終最鍾意《自強不息》,《欲望之翼》雕到天花龍鳳都只能排第二,依家《自強不息2》出版無期,確實好Sad。Sad完,要問嘅係,乜嘢叫「淡出」?完全抽身?轉職幕後?封筆?鄺彬強喺面書答得好玄:「《自強不息2》今年內應該也不會出版,而戰譜20期完結後,彬彬會淡淡的離開港漫,至於會否回來……那是很遙遠的事!將來,有誰知……?!或許在FB內寫寫彬彬自我的港漫回憶錄,不一定有禮,但至少一定夠真^^喜歡!重要的是,縱然離開港漫,彬彬仍然是大渡一員,熱愛漫畫的心也依然不變!」唔明,既云「淡淡的離開港漫」,但又「仍然是大渡一員」,有無知情人士答到我呀?而為此,佢亦自製啲貼紙打算送畀讀者,送禮方法彬強話未諗掂喎,想要的話,惟密切留意佢面書有喇。
資料來源:https://www.facebook.com/wenbun