主頁, 影音新聞, 電影 — 29/09/2012 at 3:30 pm

普羅米修斯3D 三碟/$289、連異形$899

by

 

《普羅米修斯3D》10月5號BD見街!到呢個級數大片,就一定好多版本,不過;涉及到異形就大鑊啲,又有Full Set連《異形4部曲》出,唔知大家屋企已經有幾多個版本呢?

BD入門版: 普羅米修斯3D+2D

好!我哋逐步嚟!睇吓買邊隻?首先講最接近嘅「3碟藍光珍藏套裝(限量鐵盒版)/$349」同「3碟藍光珍藏套裝(平裝版)/$289」,簡單理解係都係三碟BD版,今次碟版賣點係碟一嘅「加長及刪剪片段」,因為裏面有另一個開場/結局!碟三係3D版,亦係好重要,兩個開價唔高,不過個人取向係平裝版,我仲見到我個DVD櫃上面好多鐵盒仲生銹中,而且仲係Over Size頂晒出嚟!加上首批平裝版會附送幻變封面,無理由唔買啦!

3碟藍光珍藏套裝(限量鐵盒版)/$349

3碟藍光珍藏套裝(平裝版)/$289

特別收錄包括:

碟1

  • 電影上畫版本
  • 導演/監製列尼史葛(Ridley Scott)幕後講評
  • 編劇莊史巴斯和戴文連迪路幕後講評
  • 彼得偉倫的檔案
  • 加長及刪剪片段,包括另一個開場/結局

碟2

  • 「憤怒的神:製造普羅米修斯」特輯
  • 多段專訪、拍攝日誌及花絮
  • 太空船企業彼得偉倫檔案館,包括三維繪圖、試鏡片段等等

碟3

  • 3D電影上畫版本
  • 英語 DTS-HD MA 7.1
  • 中、英文等多種字幕選擇

============================================================

 

異形進化全集 9碟藍光套裝/$899

 

新BD Full Set 異形進化全集

好!依家到為啲富貴人家服務!《異形進化全集 9碟藍光套裝》,開價$899,其實唔多貴!得利喺新聞稿度無詳細解釋碟片分佈,沽且先減去《普羅米修斯3D+2D》嘅三碟,而餘下的六碟BD,就收錄晒完整輯錄嘅《異形》第一至四集、原裝上畫版 + 導演版,同新特別收錄!其實我真係估唔到佢仲可以有新Making刮到出嚟!首先係個「革命性MU-TH-UR MODE個性化互動功能」,解釋係「多部畫中畫幕後花絮、精彩製作特輯及12,000張珍貴劇照欣賞」,其實我係相當黑線的,佢個名吹到九咁大,我反而有預感係最雞肋一個功能……

「首次輯錄電視特備節目」呢個可圈可點,仲要排喺新聞稿二度位,可以真係有啲技窮感覺,從未曝光試鏡片反而我就幾想睇……講咗咁多負面批評,你一定覺得我叫大家唔好買喱?錯!係一定要買!$899先減咗$300《普3D》嘅碟價,即係$600買下餘下6碟,只要你係未有BD異形全集就值得買!

 

《異形進化全集 9碟藍光套裝》特別收錄包括:

  • 《普羅米修斯》
  • 超過七小時特別收錄包括:
  • 兩條幕後講評聲道
  • 刪剪及加長片段
  • 偉倫企業資料檔案
  • 「創造普羅米修斯」製作特輯 等等英語 DTS-HD MA 7.1
  • 中、英文等多種字幕選擇

 

《異形四部曲》

  • 首套影碟擁有革命性MU-TH-UR MODE個性化互動功能,包括:多部畫中畫幕後花絮、精彩製作特輯及12,000張珍貴劇照欣賞
  • 從未曝光刪剪片段
  • 首次輯錄電視特備節目
  • 從未曝光試鏡片段
  • 從未曝光珍貴相片集中、英文等多種字幕選擇