TGS終極一擊 Cosplayer總集 血戰龍友木人巷(無刪剪版)

Show Girls,有人工逗嘛,質素當然有保證。至於Cosplayer們,冇收你錢任你影,賣嘅就係一份熱誠,所以,當然有幸有不幸,我哋睇嘅時候都應該多一份包容,……每年TGS重頭戲就梗係唔少得一班Cosplayer,今年集結喺1、2、3號館同4、5、6號館中間嘅一條巷,呢個簡直係龍友嘅英雄地紫禁之巔!我同身水身汗嘅龍友毒男齊齊衝鋒陷陣,排隊逐個影尤自可,圍影時就你推我逼冇情講!不過我哋目標一致,內心都有一種惺惺相惜嘅感情喺度,雖然呢份感情好短暫,但齊齊舉機瞄準目標,火力全開發射一刻,我哋係一條心嘅!吼!我要儲齊一套呀呀呀呀呀呀!