fbpx
PS3, 主頁, 專題熱話, 遊戲新聞 — 21/09/2012 at 11:24 pm

TGS現場試玩片《JOJO奇妙冒險 All Star Battle》超必型爆

by

首先,我真係有眼不識泰山,有睇我哋facebook嘅都知我今日晏畫post咗張圖係一個中年略肥男子扮JoJo第四部嘅岸邊露伴擺出生硬嘅「JoJo立」,你哋仲笑佢添!原來,佢係開發商CyberConnect 2嘅開發監督松山洋先生!今日佢就嚟咗會場同機迷介紹呢隻下年推出、PS3獨佔格鬥遊戲,入網站就睇到佢講咩。之後,我仲順勢去親身試玩拍埋片,試過之後我得兩個字—必買!

現場試玩片段
httpvh://www.youtube.com/watch?v=P72AbmJI54k

呢隻《JOJO奇妙冒險 All Star Battle(ジョジョの奇妙な冒険 オールスターバトル)》由NAMCO BANDAI Games推出,CyberConnect 2開發,喺TGS舞台上面就搞咗發表會。CyberConnect 2嘅開發監督松山洋先生就話佢自己第一部時已經有愛,難怪表演慾咁強,要即場COS岸邊露伴出嚟,所以知道要開發呢隻遊戲時就話:「邊有咁筍嘅工作o架!」今次遊戲畫面夠晒有原作風味,超必時彈出嘅擬聲字更加有神髓!松山先生就話:「為咗要有原作風味,名場面、台詞同著名嘅姿勢都花咗好大功夫去製作。」

系統方面,就係熱血計會隨住玩家嘅動作增加,儲滿就可以出唔同級數嘅超必。而講到技術方面,亦都為初玩者著想:「放心,我哋唔係為咗格鬥高手而製作呢隻遊戲,初學者都可以出到超華麗必殺技,好似イージービート呢個系統,只要連打四方掣都可以出到連技。」

最後,松山先生仲發出宣言,話要做出最勁嘅JoJo遊戲,因為佢感受到機迷同JoJo迷嘅期待!

另外一提,突破100萬點擊率嘅官網已經更新,有大量新料,好似四大角色嘅出招表,睇落同街霸系有啲相似,而且試玩過之後都發覺好易上手,超必嘅時間好易掌握,出超必一刻,感覺極度良好!

官方網站
http://www.bandaigames.channel.or.jp/list/asb/