fbpx
主頁, 動漫資訊, 潮玩新聞 — 21/09/2012 at 12:35 pm

完全版《群俠傳》卷十七,蕭秋水尋回真愛!

by

完全版《群俠傳》卷十七,$48

完全版《群俠傳》卷十七用諸葛小花做封面,但奇怪地內容無一頁提及過呢個六扇門第一高手,相反,今期最主要描寫蕭秋水尋愛一幕,唔係誇張,司徒劍橋畫得真係好有電影感,睇到流眼淚就明呃你,但人非草木,有少少感動卻在所難免。

話說蕭秋水既以「神州奇俠」自居,當然投放全部精神心力o係抗金事業之上,可惜當佢將忘情天書修練到最高境界,成為天下第一高手之際,忘情天書後遺症湧現──佢忘記晒友情親情同最重要o既愛情。唐方同佢海誓山盟,開「海角仙蹤」燒餅店苦等佢廿年,等到美女變婆婆,天意弄人,當蕭秋水回復記憶搵番唐方,唐方卻患上失憶症,最後蕭秋水決定散功,同唐方遠走天涯再不問世間事,真係多麼的賺人熱淚,好感人呀。

同卷交代白愁飛呢個奸仔點樣使詐吞併六分半堂,王小石o既相思挽留刀不敵狄飛驚o既大棄子擒拿手,兩人公平較技之際,白愁飛卻暗中派已經叛變李沉舟o既柳五將雷姓功業連根拔起,完全不顧江湖道義。繼暗殺趙師容之後,白愁飛稱霸武林又邁進一大步。