fbpx
主頁, 動漫資訊, 潮玩新聞 — 20/09/2012 at 12:00 pm

福龍送矜貴年曆卡

by

鐵將縱橫信心寶證2013至塑年曆紀念卡

世界好現實,物輕情義重?咪講笑,莫講話情義重唔重,物輕根本就毫無情義可言,無情無義就唔該咪送啦。福龍就唔同咯,送禮唔屈錢,無話屈你買乜乜特別版物物別注版再加幾多幾多錢先有禮送,送就係送,就真係無條件咁送。

講緊嘅係第三十期《鐵將縱橫》,隨書奉送嘅「鐵將縱橫信心寶證2013至塑年曆紀念卡」,個名水蛇春咁長又玩晒食字,福龍真係好搞鬼。呢張唔係一般年曆卡,用信用卡質料製造,集屈唔爛、唔怕濕水、反光面、容易收藏各優點於一身,睇怕成本都唔輕,買$15普通薄裝版《鐵將縱橫》即送,今期送鐵縱橫版,下期輪到赤殺王,咪蝕底,買書記得問報攤阿姐攞卡呀。

《鐵將縱橫》第三十期$15