fbpx
主頁, 編輯Blog — 18/09/2012 at 8:41 am

一個淘寶負評 免費送你「裝屍袋」

by

 

老老實實!原本細佬淨係識得福建大學,不過今日識多樣,福建日報嘅東南網!國內有人喺淘寶買嘢覺得貨不對辨,俾人兇兩兇唔敢退貨之餘,仲要呢頭畀「負皮」,嗰頭即收裝屍袋,樂觀啲當係買一送一,做人會開心啲;不過如果俾我遇到,我一定踩上佢間舖,裝X返佢入袋囉!

講古時間!話說有位林小姐,喺淘寶買咗件原價225、後特價29人仔嘅連衣裙(哎!睇見呢個格局,都知間嘢係昆哥開啦!);貨到手、覺得質量好X差,所以要求退貨,但喺嗰間叫「心隨、衣動」嘅舖頭,就要求包裝紙同貨牌都要「完璧」,咁林小姐咗適事寧人,就當嗰29蚊係俾佢「掟口」,唔退貨、但畀個負評佢囉!

好喇!隔唔夠幾日,林小姐又收到包裹,唔係香港人常見嘅屎蜢或者冥通大額抄票,竟然係一個「裝屍袋」,老實!唔係有關係人仕,真係唔會易過你買部冥通版iPhone或者iPad囉!

最後又係喺淘寶查出,竟然係嗰間「心隨、衣動」,喺淘寶另外一個賣家,特別訂畀佢囉!據該報導稱,呢間「心隨、衣動」信用評級係兩粒藍鑽級別,近半年有613個交易紀錄,買家評價中有3個差評、4個中評。

 

東南網:http://www.fjsen.com/