fbpx
Mobile games, 主頁, 手機/電腦 — 12/09/2012 at 4:00 pm

福龍送限量螢光Tee,快搶!

by

有時真係不得不讚福龍,期期《鐵將縱橫》都撚盡十二成功力,對得住真金白銀掏腰包畀十五大元嘅讀者,Dark Club搞聚會又肯親身出席,同讀者零距離接觸兼簽名簽到手軟,依家連送禮都真係攞個心出黎益讀者。福龍,我知已經立秋,痹就痹啲,但容我說一句:「我愛死你呀。」唔好毛管戙呀。

福龍喺《鐵將縱橫》第二十九期搞有獎遊戲,問題好簡單,答中五期書名,連同正確答案寄番俾佢,就有機會得到「鐵將縱橫鼎鼎大名夜光Tee」,呢件珍藏Tee只得四件,送完即止,彌足珍貴。點解話佢送禮都送得真心過人?一,唔使你買乜買物先送畀你,話送就送,完全免費,好明顯福龍讀過書,完全明白「送」呢個動詞係乜意思;二,全港只得四件,限量四件就係四件,總好過其他大公司推出嘅甚麼限量版精品閃卡海報手辦乜乜物物,夠膽死大字標題寫住限量二三百件,二三百件都叫限量?咪笑大人個口啦。講番件Tee,黑白兩色各兩件,中間個Print雖然係舊畫,但入黑會發出螢光,好鬼死有型,我好想要呀。

送Tee詳情,有勞閣下自己睇嘞。

《鐵將縱橫》第二十九期$15