fbpx
iPhone, 主頁, 影音新聞, 手機/電腦 — 03/09/2012 at 5:31 pm

越南Tinhte.vn 漏出iPhone 5專用耳筒

by

 

iPhone 5九月中發佈、真機圖片偷步網上睇真0的,真係傳聞滿天飛!0岩0岩又多一單!就係佢有新耳筒係網上漏出;漏0野網站0係越南Tinhte.vn,有相有片,仲話0係Foxconn工廠度(才羅)出0黎;漏料人SONLAZIO自己都無話實牙實齒一定係,不過見上面寫住「Designed by Apple in California. Assembled in Vietnam」,所以好有理由相信係0黎緊新一代iPhone及iPod專用耳筒!

呢位SONLAZIO都算膽大包天!佢唔單止偷出隻耳筒,仲好大膽第一手寫埋試用報告,佢話隻耳筒可以成隻放入耳窿,而且試戴後感係相當舒適,比舊款好好多;0係音質方面,相對舊款Apple耳機,音質明顯較開揚,不過漏音同隔音性能相對較低!小弟做一大膽假設,耳筒為要適應不同人仕的耳窿大細,所以一定要有耳膠作配合,所以所謂漏音或隔音問題,應該可以輕易解決!
不過0係睇相片時,苦茶都有小小疑惑!其實耳筒發聲位只係兩個孔筒,不過在耳筒邊位,竟然發現一個類似噴射機噴射口的大型孔洞,你話佢係耳機發音一部份?但佢會貼住耳骨位,對音色表現可謂毫無建樹,而且就相片睇,裡面竟然有兩個類似喇叭單元物體,會唔會……可以放在(木台)、真係當喇叭使?我都係估估下,其實iPhone機身都自帶喇叭,好似又作用不大,但如果係iPod呢?呢個係一個不解之謎!
另一個可疑點,就係耳筒背面,同耳筒腳位,都有兩個直線孔洞,真係好多窿窿,我最多都係估佢係咪位!又或者……隻耳筒係要開如此多洞,先可以做到開揚的音場效果,妖!做測試報告都講到唔湯唔水,呢位人兄真係老X土!

 

資料來源: http://www.tinhte.vn/threads/1485894/

httpvh://www.youtube.com/watch?v=CfT3gKgQHVY