fbpx
主頁, 動漫資訊, 潮玩新聞 — 01/09/2012 at 2:00 pm

《古惑仔》大飛世飛,父子相認!

by

父子相認,是好是壞?

原本上周已經想寫《古惑仔》大飛同世飛父子重聚呢條News,但我知牛佬性格,美其名鋪線鋪好耐,實情總要拖一拖橋,硬要磨三兩期吊你癮先安樂。
今期兩父子終於正式打咗個照面嘞,連書名都改埋〈父子相認〉。正正係千呼萬喚始出來,計番福田八壯士一役死剩大飛同陳浩南,南哥都出番場接近一年,家陣先出大飛,真係望到我呢個《古惑仔》天字第一號Fans頸都長。唔好俾我批中,如無意外,相認唔代表相見歡,十幾年無見,世飛隨時一句:「你做乜十幾年都唔搵番我兩母子?」只需一句對白,劇情即時變得峰迴路轉,話唔定大飛當年得番半條人命,咁好彩俾一個女人所救,之後日久生情,再之後開花結果,再再之後娶埋個女人,再再再之後生埋一大竇仔女,所以先唔敢返香港,兩父子衝突由此起;又如無意外,最後要出動大波阿四勸掂大飛,大仁大義嘅南哥勸掂世飛,兩父子先會和好如初云云。Excuse me,牛佬,唔好俾我批死你呀。

第1535期《古惑仔》$15