fbpx
PS3, Xbox360, 主頁, 專題熱話, 遊戲新聞 — 30/08/2012 at 12:42 am

新片速報 娜姐露罅扮ADA《Biohazard 6》本地試玩會

by

Capcom隻PS3/Xbox360喪屍動作遊戲《Biohazard 6/Resident Evil 6》喺10月2日(日版10月4日)推出,呢排差唔多日日有新片咁濟,睇試玩片睇到個人飽飽滯滯!啱啱今日輪到香港Capcom搞Event,雖然現場試玩嘅章節都玩過晒睇過晒,不過唔緊要!因為大會搵嚟周秀娜扮遊戲女角Ada Wong,見到佢迫爆晒件低V恤衫試玩遊戲,簡直係生化危機中嘅清泉,我o依家唔驚喪屍喇!你哋都入嚟開心吓,睇吓片先啦!

今日(29日)Capcom就喺香港唯港薈宴會廳搞咗個《Biohazard 6》特別發佈會,現場擺咗四部大電視俾傳媒試玩,每部旁邊仲有短裙Game girl望住你打機,搞到我個人周身唔自在,搞到我專心唔到呀煩!既然專心唔到打機,去飲飲食食social下啦,有生化蛋糕仲有用試管裝住嘅生化飲品,睇完相你就知佢哋幾有心思。好喇,開始喇,先嚟講明今次行版內容係照舊跟歐美版《Resident Evil》,即係最血腥嗰隻,亦照慣例跟雙封面,照顧一班喜愛日版叫《Biohazard 6》嘅崇日機迷,好鬼體貼。另外,廠方亦話今集會有中文對白喺遊戲出現,咦?呢排咁興嘅喂?不過斷估多唔過《Sleeping Dogs》,同斷估冇粗口。

之後就輪到今日主角—製作人小林裕幸先生出場……咪噓住,人哋遠道而嚟,仲做埋訪問(另文有得睇),我有拍手o架!講完一輪就輪到周秀娜出場,娜姐一貫摶命,性感Ada Wong有幾性感有幾Ada睇相就知,而佢都講咗兩句對隻遊戲嘅感受,條片有得睇。另外仲有埋娜姐試玩片段,佢試嘅係Ada Wong一段,搵個入口都搵一輪,真係好cutie!唔睇就笨!

httpvh://www.youtube.com/watch?v=SaZ_J_zdJcA