fbpx
主頁, 影音新聞, 硬件資訊, 遊戲新聞, 電腦新聞 — 28/08/2012 at 12:26 pm

真人版Cooking MAMA 呢種科學認真他媽!

by

日本係一個充滿空想科學嘅地方,最近東京工業大學發佈,佢哋科研咗一個真實版Cooking MAMA,你可以用真煎Pan虛擬煮真飯仔,材料同鑊鏟係全立體虛擬展示喺你眼前,更厲害係仲會即時計埋火路,煮耐咗仲會燶。

就片段睇,連五星級大廚至最強嘅拋鑊、反餸佢都做到,都咪話唔勁抽,不過話時話,用真材料煮會唔會易啲呢,係將簡單問題複雜化?定係可以應用喺唔同範疇,完全係天知地知、你知我唔知!又或者問?點解唔一開始,就由實用性開始研究,需知Cooking MAMA已經係N年前Out Game,我真係唔覺得佢嘅玩法多過又或者真實過遊戲囉!

另外想講多句,好多人都話日本人好有意整隻可動高達(苦茶覺得如果係渣古我會開心啲!自護公國萬歲!),哎!好多人只係講佢由於超級天價,好難搞!老老實實話你知,如果你有睇過一本叫《空想科學大作戰》嘅好書,你就會知道,如果真人在高達體內操控,係會超級暈車浪,如果開得快啲,隨時仲會變成鉸抖機裏面嘅碎肉,真係唔講得笑!

 

httpvh://www.youtube.com/watch?v=F565MHCfsSo

 

超級好書推介!!!!

呢本苦茶無買, 據講第一本、綠色嗰本正好多, 喺台灣書屋, 又或者大型漫畫書屋有機會搵到!