fbpx
主頁, 動漫資訊, 潮玩新聞 — 27/08/2012 at 2:00 pm

Cuson Lo漫畫x黃洋達口號宣傳單張

by

唔好以為政治唔關你事,一個唔好彩政府落實「網絡廿三條」,到時分分鐘連全香港最好睇o既打機遊戲動漫網「有機網」都無得睇;叫你o地撐黃洋達?No,撐唔撐「人民力量」係你o既事,今次想講o既,係幫黃洋達宣傳o既政治漫畫家Cuson Lo。
話說黃洋達參選2012年香港特別行政區第五屆立法會選舉,列印o左兩款宣傳單張,一張用泥黃色Tone大頭Zoom住黃洋達,後有「當我們還有戰鬥的自由,為自由而戰!」口號;另一張大字標題「一國兩制破產,向港共政權說不!」後有Cuson Lo六格漫畫。我覺得呢六格漫畫好精警,講梁振英新任特首登場,就好似歌星o係紅館開演唱會咁,懶有型由地底慢慢升上地面,人民先是熱烈歡呼,點知到佢完全升上地面,先發覺我們的大話精特首竟然踩住一架土共坦克車出場,即時嚇到雞飛狗走。講真公仔唔算特別靚,但一來政治漫畫唔需要太靚,二來叻在唔使靠一句對白,甚至連題都唔起,已經達到懾人效果,呢o的就係畫政治漫畫功力所在,大家不妨欣賞o下。

宣傳單張一,大頭黃洋達幾型仔。

宣傳單張一背面,密密麻麻寫政治理念。

宣傳單張二,大字標題口號鮮明。

宣傳單張二背面,有Cuson Lo政治漫畫。