fbpx
Mobile games, 主頁, 手機/電腦 — 27/08/2012 at 12:00 pm

手機新Game:久違了的Photo Hunt

by

好耐無玩過Photo Hunt,想當年同老死A晚晚蒲MK機舖,每人買十蚊煎釀三寶加兩罐可樂,佳定定喪打,機舖十二點打烊?唔理,拉閘照打,打到凌晨兩三點筋疲力盡先捨得閃,打到版版都熟晒,錯處o係邊識背咁滯。
有人話,純粹找錯處好玩極有限,睇你點睇啦,當就黎無時間又爭一個半個錯處未搵到,Or經幾辛苦搵到最後一個錯處但又無時間篤,o個種緊張刺激真係不足以為外人道。如果要我分難度Grade的話,「Pirates vs Vampires」算中等難度啦,之所以難,好大程度同手機屏細有關。另外,每版總有一個半個錯處特別難搵,唔係古惑地多o左條線就係細眉細眼地轉o左顏色,想過關真係要畀o的眼水。玩法依舊啦,指定時間如90秒內搵出指定數目如4個錯處,每版有兩個延長時間同放大鏡Function key,鍾意懷舊Game的話,今晚下載晚晚玩啦老友。

iPhone下載:http://itunes.apple.com/hk/app/pirates-vs-vampires/id533070437?l=zh&mt=8&ls=1

畫面顏色悅目,無話矇查查搵一世都搵唔到。

大家幫手睇睇,第四個錯處o係邊度?我就搵唔到o勒。