主頁, 偶像資訊, 動漫資訊, 潮玩新聞 — 26/10/2014 at 4:20 pm

《欲望之翼》創刊號 大師級之作

by

Image-1 (7)

係誇張,但絕不失實,《欲望之翼》創刊號堪稱「Masterpiece」,實在太完美,基本上無一格係可以挑剔嘅,花六個月時間先製作一本書,呢啲就係慢工出細貨嘞,質素非一般期期都打但又唔知為乜而打嘅流水作業式港漫可比,賣$78,係好貴,但真心Mode,值。

《欲望之翼》係個拳擊故事,但打擂台只係表面嗰浸,實際想講嘅係「我們活著,是為了自己?還是要討好別人?」信我,睇完,你會對以上兩個問話符號有更深感受。少傑加黃水斌呢個組合好掂,掂在兩位資深港漫人都仲有一團火,專欄「大渡感言」謂:「金錢與質素,他倆選擇了質素,一期的稿費只是數萬元,除兩人再除六個月,每人每月只得數千元,根本就不能生存,連香港最低工資都達不了,但是他倆都是這樣執著,我覺得他倆是要向他們自己的理想交代,于想有負港漫讀者的期待,他倆的付出絕對是真誠及可敬的。」執著,只要係擇善,擇善固執,絕對係好事。至於封面,玩兩大主角朴雙玉And鍾曉航雙封面,白底紅字加上書度夠大,擺喺書報攤非常搶眼,放入書櫃紀不失禮,亦係要讚。
之所以當知道《欲望之翼》打算出十二期,並以月刊形式出版,我拍晒手掌,因為一變雙周刊又或甚麼十日刊,時間一緊質素必定下降。一個月就一個月喇,就抱住當睇畫集嘅心態買書,支持你呀少傑And黃水斌。