fbpx
Mobile games, 主頁, 手機/電腦 — 20/08/2012 at 12:00 pm

手機新Game:當畸胎日本仔咁打!

by

睇電視新聞,見到深圳反日示威片段,登時心都傷埋!中國人錢多就係多嘞,但國民表現真係毫無泱泱大國之風。保釣,燒日本國旗都仲叫有啲象徵意義,推翻一架日本牌子嘅警車洩憤,又會唔會低能咗啲呢呵?車無錯係日本牌子,但呢架車係我哋堂堂共產黨嘅公安車喎,呢個舉動,係反日定反共呢?定兩者都反呢?唔該示威還示威,可唔可以示威得文明啲同埋──有腦啲呢?

強烈推介深圳暴民下載「Angry Punch」,角色選擇有三,分別係招積仔、大隻佬同辣妹,揀邊個角色都好,你都要盡你所能Punch爆左右夾攻而來嘅畸胎,個人認為辣妹最好用,因為出拳快,大隻佬就勝在手長,但出拳好慢。畸胎造型有異,有啲行動緩慢拾吓拾吓,有啲會發癲咁衝埋你身,掂到你即死,畀貼士,要盡量令自己處於畫面中間位置,先唔會腹背受敵。Function key方面,久唔久上天會跌把槍畀你,開槍梗係快過出拳,但支槍有時間限制,射晒子彈又要打番拳頭交。不斷Punch畸胎,不斷儲金幣,儲夠金幣可以升Grade買更強殺傷力嘅拳套,玩法就係咁簡單。深圳暴民們,呢八蚊俾人賺啦,千其唔好慳呀,一於當畸胎係日本仔咁Punch,Punch完咯,今晚咪有覺好訓囉。

iPhone下載:http://itunes.apple.com/hk/app/angry-punch/id538411698?l=zh&mt=8&ls=1

辣妹出拳好快,打到畸胎一仆一碌。

有三個角色選擇,左起招積仔、大隻佬同辣妹。

儲夠40000個金幣,就可以買最強殺傷力嘅鑽石拳套。

大隻佬肌肉發達,但出拳勁慢。