fbpx
主頁, 偶像資訊, 潮玩新聞 — 16/08/2012 at 12:00 pm

攞你命三億的絕世煩音──路芙《中情局》!

by

我知,呢條唔係甚麼動漫遊戲News,但容許我呢個新城電台天字第一號Fans,同大家分享呢首歌。我Like路芙主持《恐怖熱線》,呢個永遠以爆炸頭示人嘅女DJ,我一向都好欣賞,欣賞佢把聲,欣賞佢做節目淡定兼有做詳盡資料搜集,但但但但但,我絕對唔欣賞佢唱歌,佢呢首喺新城熱播嘅《中情局》,真係難聽到起雞皮,半夜發夢都會紮醒,每次一聽我都得啖笑,然後呱呱叫。唉,唔係嗰瓣就唔係嗰瓣,好哋哋做番DJ本份咪好囉,學乜人唱歌?

講緊嘅係《Dreams Come True》呢隻新城電台群星齊齊唱嘅CD,全隻CD有17首歌,路芙擘盡喉嚨大嗌其中一首《中情局》,林家棟幫拖獨白。Sorry呀,我真係愛之深,先至責之切,請容許我逐樣插,一,先唔明首歌點解叫《中情局》,食字唔似食字,如果係食字,食完字又唔係好明乜意思;二,唔知首歌講乜,聽完歌詞,估計係講緊一段「沒法張揚的地下情」,估架咋,希望無估錯啦;三,路芙歌藝實在太攞你命三億,情形就如你去唱K,MV播緊,字幕都出緊,拎住個咪正正想跟住唱嗰陣,先發覺Mute咗背景音樂,把聲乾爭爭Raw到爆,尤其唱到「~難道要對你說明,是你不可替代,仍沒法張揚的愛~」呢段,嘩,乜叫五音不存,路芙就係人辦嘞,嗰種難聽法,真係非筆黑所能形容,反而林家棟段獨白仲好聽過佢。呢隻CD標榜「呈現最忠於音樂夢想的破格嘗試」,中晒!路芙嘗試唱歌,果然破格,仲破得好盡添,唔係吹水,有幾惡啃,大家可以聽吓。

《中情局》:

httpvh://www.youtube.com/watch?v=6-sdWD_xfNg

《中情局》歌詞──

  • 林家棟獨白:「要完全忘記自己嘅身份,嗰個感覺先至係最真,」
  • 路芙唱:「想把心情捲起收於棄置的樽裡,且拋進我的思海內, 學習接受忘掉問題, 默默地藏起一切罪與非, 不可實現更能像愛吧, 不可變真的更真吧, 怎麼越近你才越愛她, 越要隱藏越放不下, 難度要插上翅膀靜悄飛出世外, 才沒有該和不該, 難道要對你說明,是你不可替代, 仍沒法張揚的愛。」
  • 林家棟獨白:「每個人都有自己嘅路要行, 到底我哋有無得揀, 向左走?定向右行? 要甘於平淡,抑或要活得糜爛? 係咪要突破常規界限, 生命先至會變得璀璨?」
  • 路芙唱:「應將感情撕開,一邊以火燒毀, 一邊放你的心內, 學習快樂忘掉未來, 與你盡情的愛別放開, 不可實現更能像愛吧, 不可變真的更真吧, 怎麼越近你才越愛她, 越要隱藏越似瘡疤, 難度要插上翅膀靜俏飛出世外, 才沒有該和不該, 難道要對你說明 是你不可替代, 仍沒法張揚的愛, 難度要插上翅膀靜俏飛出世外, 才沒有該和不該, 難道要對你說明 是你不可替代, 仍沒法張揚的愛。」
  • 林家棟獨白:「將秘密公開,唔係奢望得到喝采, 只係希望得到平等嘅看待, 無需要避開, 相信愛係可以改變未來。」