fbpx
主頁, 影音新聞, 電影 — 06/09/2014 at 7:00 pm

新片速報:宇宙最強挑戰《一個人的武林》

by

1

係咯,係嗰瓣就係嗰瓣,學乜嘢人拍甚麼賀歲片吖,既稱「宇宙最強」就好應該賣弄拳腳展露身手,講緊嘅係甄子丹,好好地拍番《一個人的武林》呢類打餐懵嘅功夫片,成件事咪妥晒囉。

我愛俾人打到焦頭爛額仍百折不撓嘅功夫丹爺,而唔係唧到唔笑以為自己好好笑嘅硬滑稽傻仔丹,所以呢條預告片啱晒我合尺。《一個人的武林》主旨好簡單──「功夫,是殺人技!」故事講南拳王、北腿王、擒拿王同兵器王先後被神秘人所殺,原本坐緊監嘅殺人犯夏候武(甄子丹飾),被重案組總督察陸玄心(楊采妮飾)邀請解釋查案,從各天王死狀,夏候武發現神秘人係個身懷高強武功嘅絕頂高手,殺人並非為尋仇,亦非涉及金錢糾紛,只係一心引夏候武出嚟一決高下。劇情發展,兩條友當然要打到天覆地覆,又拳腳又兵器,血腥暴力共冶一爐,如果你鍾情武打功夫片的話,呢套戲一定收貨。(10月30日上映)

2

 

3

 

4