fbpx
主頁, 動漫資訊, 潮玩新聞 — 09/08/2012 at 2:00 pm

QR Code預覽《宮本武藏的末世傳人》

by

善用科技宣傳,幾時都精叻過人,一漫年深明此道,喺第十三期《群俠傳二》書尾賣廣告,大字標題話漫畫版《宮本武藏的末世傳人》將於8月25日出版,仲畀埋QR Code,等港漫迷可以透過手機連結網頁,率先欣賞漫畫試閱版。

漫畫改編自同名原著小說《宮本武藏的末世傳人》,作者天航,今年動漫節都有出席「小說x跨媒體座談會」,小說仲入選香港十大好書龍虎榜得獎作品添,大有來頭嗰隻;至於漫畫,則由孫威軍繪畫,我睇過呢個甚麼漫畫試閱版,稿件全黑白,無論畫風同分鏡都好重日漫味,望落幾順眼,估計到時出版都會買番本捧場,如果好睇,仲會考慮買埋原著小說煲一煲。反正FOC,大家不妨先睹為快。

登幾張孫威軍稿件畀大家睇睇──

右下角有OR Code,自己Scan啦。

第十三期《群俠傳二》$15