主頁, 偶像資訊, 動漫資訊, 潮玩新聞 — 04/09/2014 at 10:00 am

《李小龍‧截拳》創刊 送《唐山大兄》海報

by
《李小龍‧截拳》創刊普通號,$15。

《李小龍‧截拳》創刊普通號,$15。

我知,《李小龍‧截拳》已經創刊咗幾日,但無計,我家樓下書報攤返書情況異常惡劣,遲人一兩日好似老奉咁,仲要返書少呢下衰喎,搞到我想買又買唔到,大渡真係要留意吓呢個情況。好彩,創刊號送番張靚靚海報哄番我。

幾Like《李小龍‧截拳》呢本新書,有四樣嘢要讚,一,抵睇,我買嘅係普通號,每本盛惠$15,全書52頁,的上手好充實,有心煲慢慢睇夠煲半粒鐘;二,內文質素高,班底曹志豪乘袁家寶乘李重豪,果然有料到;三,故事都幾引人入勝,講真以李小龍為題材嘅古仔翻炒過無限次,今次算有驚喜,講李小龍被迫打擂台,背後陰謀居然關四大探長事,搞到1連港督都因為呢場地下拳賽命懸一線,個頭開得幾好,OK成功引到讀者追睇落去;四,隨書奉送超Old school《唐山大兄》海報,超大張,超懷舊,攤開勁有氣勢。唯一要挑剔嘅反而係封面,硬係覺得李小龍堂眉左右不對稱,小瑕疪咁喇。總括嚟講,個人認為此書值90分以上,第二期必買。

 

隨書附送電影《唐山大兄》海報,型爆。

隨書附送電影《唐山大兄》海報,型爆。