fbpx
主頁, 動漫資訊, 潮玩新聞 — 06/08/2012 at 12:00 pm

赤殺王、鐵縱橫首辦,必搶!

by

嘩!真係……個原因真係牽強咗啲囉,邱福龍喺今期《鐵將縱橫》賣廣告話:「《鐵將縱橫》故事即將步入新紀元,潛龍‧南院兩雄相遇,惡戰一觸即發!為隆重其事,破天荒首度推出鐵將縱橫與赤殺王之首辦精品以茲紀念。」故事開新Line啫,使唔使出首辦咁隆重其事呀?講到明咪又係Cap多次Fans水,不過咁啦,話晒「邱福龍」個朵夠響夠獎,手畫又靚到飛天,科水撐佢場都零舍覺得心甘命抵,何況手辦真係好精緻,靚到拍拍聲?

鐵縱橫係漫畫第一主角,但今次,我落過舖睇過實物,就覺得赤殺王首辦型仔得多啦,或者同姿勢有關啦,前者齋握實拳頭戙企,威武有餘未夠花巧;後者單掌抵地半蹲半跪,擺出一個疑似霹靂雷電震霪霧嘅起手式,講氣勢贏成條街。兩者都係1:12,限定生產,幾舊水唔算好貴,估計應該好多人搶,想買就快啦。

188收藏家漫畫精品店

地址:旺角信和中心一樓137號舖

電話:6331 7833

能量水晶版赤殺王精工首辦,限產10台,$420。

奇珍透視版赤殺王精工首辦,限產60台,$420。

原作正宗版赤殺王精工首辦,限產70台,$420。

左起原作正宗版(限產70台)、奇珍彩透版(限產60台)、能量水晶版(10台)鐵縱橫精工首辦,各$380。

鐵縱橫背脊都做得唔馬虎,條馬尾仔好鬼死型呀。