fbpx
主頁, 偶像資訊, 其他, 影音新聞, 潮玩新聞 — 19/08/2014 at 7:14 am

網上熱爆冰水片 C朗/Bill Gate已找數 留名等睇王維基/林祖舜

by

美國網絡熱爆嘅淋冰水活動ALS Ice Bucket Challenge呢幾日正式殺到香港,仲改咗個本地名「冰淋城下」,紅得起除咗因為做善事,仲因為各大明星、網絡紅人爭住玩。香港方面暫時已經有容祖兒、大埔Lulu、司徒夾帶、蔡一智、蘇施黃、俞琤、陳淑莊等等找咗數,拍晒一桶冰水照頭淋嘅短片完成挑戰。嚟緊仲有王維基、林祖舜、夏千福、盛智文、Wyman、張家輝、陳奕迅、鄭伊健等被挑機,作為網民梗係食住花生等睇找數。外國方面,最有心機都係Bill Gate,搭晒棚畫晒圖先玩水,不過都唔夠Iron Man咁夠人氣,仲有靚仔球星C朗,可惜條片超低清,入嚟有回帶慢慢重溫,最重要係睇埋成件事嘅背後理念,大家玩還玩,記住撐埋背後理念。

page-iceee

billgates c choi icebucketchallenge002_20140818_L ironman JOEY LULU szeto

 

網站:https://www.facebook.com/icebucketchallengehk

 

 

 

 

 

 

 

睇多少少資料:

玩還玩,其實呢個活動好有意義,由肌萎縮性脊髓側索硬化症 (ALS ) 基金會所發起嘅籌款活動,目的係藉呢個活動籌款,同埋令更多人關注呢個病。之所以選揀淋冰水,係因為得到呢個病嘅病人,肌肉會逐潮萎縮甚至癱瘓,就好似身體被冷凍一樣,所以又稱為「漸凍人症」,著名物理學家霍金正正係ALS患者。

玩法好簡單,自淋一桶冰水,再拍埋短片放上網,再向3個人作出挑戰,被挑機者要喺24小時再拍一段自淋片同埋向另外3個人挑機,或者捐出美金$100比ALS基金會,又或者做齊以上兩樣。

香港由Marketing人徐緣、Green Monday創辦人楊大偉、康宏理財主席王利民將呢個活動帶到香港,大家玩還玩,記住撐埋背後理念。