fbpx
主頁, 潮玩新聞, 玩具資訊 — 01/08/2012 at 10:13 am

RG正義斷貨 做工精細過戰機

by

當初對RG真係幾燢吓!仲記得隻RX-78,擺任何Pose都馬上跌一件鼻屎咁大嘅Parts出嚟,真係散過散裝砂粉囉!我明係要上色先至實,咁你又明唔明我唔想上色就有隻完美嘅Gundam先?好!到Freedom,所有Parts已經開始Firm返晒!到今次正義高達,簡直可以用扯旗形容,細緻度同刻線表現,可以用精密過飛機嚟形容!

老實!今次可以用大件夾抵食形容,以2625日圓、街價$188,大部份模型舖無起價,可以講幾有良心;不過真心話係^^,佢雖然叫正義高達,但始終唔係主角機同無乜純血統高達感覺,快放都係正路嘅。據知頭水貨無晒,砌落評價亦非常高,做工咁仔細,背後飛機仲可以拆出嚟企上去,淨係「奶」念佢係首隻有得咁樣玩,第二水返貨時無得唔買囉!